I'M not an angel

السبت، 30 يونيو 2012

أمـــــــي..لملمي إحساسي



 
مهما أكون عليكي قاسي
 
عمري في يوم ماهكون ناسي
 
حزنك...تعبك
 
صبرك...حضنك
 
كل ده كان شيء أساسي
إني اكون النهاردة شخص
 
عمره ماكان إنتهازي
 
 
 
 
ده في وسط العتمة مافيش نور
 
وتلف العجلة ويجي الدور
 
أكون أنا المسؤل عنك
 
واحطك تاج علي راسي
 
 
بتملاني مشاعر غريبة
 
يا قريبة وإن كنتي بعيدة
 
جوايا صوت تاني بيصرخ
 
"أمـــــــــــــي"وبياخد تنهيدة
 
وإن في يوم اتخليت عنك
 
ماسواش أكتر من مداسي
 
 
لو كنت في حقك يوم مقصر
 
 
عليكي وعلي حالي اتحسر
 
هعوضه ولا يوم هتأثر
 
سامحيني علي اللي اتكسر
 
ولملمي كل إحساسي

الجمعة، 29 يونيو 2012

بيتٍ من نار



 
إن كان الحب يسكن بيتاً
 
أو ينتقل من دارٍ لدار
 
فأنا للحب أصبحت عاشق
 
وسأبقي
 
ولقد أخذت القرار
 
قلبي مُدرك خطورة الحب
 
وسيعبر من أجله البحار
 
سيبني السفن من عشقه
 
ومجدافه سيكون الإصرار
 
أحبك يا من تسكن قلبي
 
وفي قلبي بسببك إعصار
 
صراع من أجل حبك
 
ومن أجل جعله ينهار
 
كم أبتسم وأبكي في وقتٍ واحد
 
أشعر بتضارب أفكار
 
يجب أن يختار الإنسان بين الخطأ  والصواب
 
يجب أن يأخذ قرار
 
ولكن لا اعلم ما هو الخطا فيما أفعل
 
وماهو الصواب
 
إني موشوشة الخواطر
 
غريقة في الانهار
 
فقط لذلك وأكثر لا أستطيع الاختيار
 
شعوري لا يمكن وصفه
 
حتي بالاشعار
 
لذلك أجلس صامتة مكتفية بالابتسامة
 
ولكني في بيتٍ من نار

الاثنين، 25 يونيو 2012

ازعلـــــــــــــــــــــــي...

ازعلي لكن مطّوليش في الزعل

عاتبي لكن مطّوليش في العتاب

قلبي فتحلك أبوابه كلــــــها

بلاش تقفلي منهم أي باب

فاتت سنة



 
فاتت سنة علي اعترافه بحبه ليا
 
زي النهاردة دموعي نزلت من عنيا
 
وللنهاردة  مش عارفة ايه اللي جرا ليا
 
أصل الهوي غلاب اوي والشوق عاندني
 
حتي هو وفي سكوته بيدوبني
 
صبر علي الجراح والألم أيام كتير
 
وماعرفش ايه العمل هموت تفكير
 
حقه ينسي
 
حقه يبعد
 
حقه يعيش
 
لكن في وقت البعاد الاحلام مبتمشيش
 
آسي..عذاب
 
بعد ..آلام
 
ضحك..حرمان
 
دي عناصر قصة حب في الزمان
 
قصة حب فارس وفارسة أحلام
 
قصة حب هحكيها لابني قبل المنام

السبت، 23 يونيو 2012

عايز تتغير؟! "هتتغير".-باب التوبة مبيتقفلش-


بسم الله الرحمن الرحيم




وَمَنْ يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ 


غَفُورًا رَحِيمًا (110)



وَمَنْ يَكْسِبْ إِثْمًا فَإِنَّمَا يَكْسِبُهُ عَلَى نَفْسِهِ وَكَانَ اللَّهُ عَلِيمًا 


حَكِيمًا (111)(سورة النساء)



(وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ 


فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى 


مَا فَعَلُوا وَهُمْ يَعْلَمُونَ (135))(سورة آل عمران)










آيات تستحق التدبر

والتفكر

تستحق ان نأخذ بها

لنغير حياتنا

 ليس هناك من لا يُخطيء

وخير الخطّائين التوابين




شايف نفسك غلط!؟

متقلش صعب اتغير

متقلش لو حاولت هفشل

متقلش ربنا مش هيقبل مني

متقلش ذنوبي كتير لو فضلت اعمل حسنات لغاية ماموت 


مش هتخلص

ومش هتتمحي

ذنوبك في لحظة بتتمحي لما تكون توبة من القلب


مافيش انسان ملاك

ومافيش انسان شيطان


مهما وصلت درجة البراءة فينا والذكاء والحب والتسامح 


..بنخطيء في حقنا او حق غيرنا.


ومهما وصلت درجة القبح والسوء والشر بأي إنسان بيبقي 


في جزء جواه صاحي جزء صغير هو بيحاول يتجنبه جزء صغير 


ممتش محتاج إنعاش بس.





منقولش ان المجتمع مش هيساعدنا

إمرأة فرعون كانت زوجة لحاكم طاغي وكانت من خير النساء


بالعكس وجودنا في وسط مجتمع زي ده لازم يخلينا نتعظ


لو كل الناس ماشية شمال



انت امشي يمين(خليك صح)ي

مكن لو حد شافك يستغرب

يسألك وتجاوبه

يقتنع بكلامك

يمشي معاك

متبقاش لوحدك

يوم ورا يوم

متبقوش لوحدكم

وتكون الحسنات كلها ليك


عايز تتغيرهتتغير

قول "يارب"

وحب نفسك 

بإنك تجمع اكبر قدر من الحسنات

خليك "طماع"

ومتسيبش حسنة تفوتك


عايز تتغير؟!

هتتغير

باب التوبة مبيتقفلش

لكن كل ما قربنا ليه بسرعة

كانت فرصتنا في جمع الحسنات اكبر

قبل ما الوقت يفوت وينتهي

زي ما قلت خليك "طماع"

في الخير

الخميس، 21 يونيو 2012

كلمة لم تُقـــــال



هي كلمة ما زلت غير قادرة علي النطق بها

ما زال قاضي المحكمة لم يصدر حكمها

ولكن ليس خطئه فانا التـــــــــــــــــــــــي..

ما زلتُ مُحتفِظة بالقضية ولم أقم بعرضها

   صبرا قليلاً

   لفرحـــاً كبيراً

لوقتٍ ينطق فيه قاضي المحكمةِ ببراءة حبنا

وقتها سأخرج من سجنِ الصمـــــــــــــــتِ

وسأري الحيــــــــــــاة بألوانــــــــــــهــــــــا

وستدفق أحاسيسي كســـــــــــــيولٍ

أتمني ألا تغـــــــــــرقك مياههـــــــــــــــــا

"وقتها"سأقول لك تلك الكلمــــــــــــة

وسأملأ منزلنا كل يوم بعطرهــــــــا

وقتها ستكون قصة حبنا في نـــــورٍ

وسيبارك لنا الله في أيامهـــــــــــــــــــا

"أُحبك":.

        ولكن لم يأتِ وقت قولها

الأربعاء، 13 يونيو 2012

حياتك


خليك في حياتك دلوقت
 
واوعي تندم علي اللي فات
 
ولو كان بإيدي أنا
 
أنسيك كل الذكريات
 
إنت إنسان ولسة عايش
 
قلبك بينبض عمره ما مات
 
يمكن عشان حابب تتكلم
 
وتعبت من صمت السكات
 
ولا عشان بتفضل تتألم
 
لما بتحكي علي اللي فات
 
لكن دي حياتك ملك ليك
 
وإوعي تقرب من العناد
 
وإوعي الجرح يقتل فيك
 
شخص طيب جميل الذات

الاثنين، 11 يونيو 2012

عندي أمل


عندي أمل
عالي لفوق
فوق السحاب
ممسوك بطوق
طوق النجاة
عايز يعيش
وميتنسيش
يحقق شيء
من ألاشياء
 
 
عندي أمل
فوق الجبال
يصرخ مُحال
يسأل سؤال
ويقول جواب
غير السؤال
مستني اللي يفهمه
ولطريقه يرسمه
ويشغله بال
 
 
عندي امل
علشان حياتي تبقي حياة

السبت، 2 يونيو 2012

اغنية ماتت




دم بدم
رصاص برصاص
ضاع مننا
الصبر خلاص
كنت بقول دايماً هستني
كنت بقول هحلم وأتمني
كنت بقول
كنت بعيد
وكأني كنت بغني
أطول أغنية
في اكبر مغني

مافيش كلام




"أنا هخرص مش هتكلم تاني خلاص
أنا هخرص علشان مافيش إحساس
أنا هخرص ضاع مني الأمل
أنا هخرس علشان مش لاقي حل"
 
 
كلام كتير شايفيه فوق
أيوة فوق علي السطور
ده أحساس فظيع
لما الشهيد
يحس في قبره بالندم
 
 
مش هخرص تاني
مش هبقي أناني
مش هسكت حتي
ولو ثواني
 
أصل أنا جوايا
إنسان تاني
لو مت هيصحي
من العدم

كُنت عاشق للأمل



دايما بحب الأمل
خايفة يوم أكرهه
طب وإيه العمل
عشقي ليه
وحبي فيه
جيه الظلم كسّره
هدمه
فجره
من جوا قلبي وعقلي
خرجه
 
 
 
 
 
أبعد بعيد
وأنسي الوعيد
وانسي أي معني كان
للحياة من جديد
 
 
 
كأن الدنيا بقت ظلام
ومافيش شمس تنوره
عاشق وكان في قلبه حلم
ومافيش مجال يحققه
 
 
ده شعبك يا مصر
اتحكم عليه اللحظة دي
 واتقتل
والأمل اللي كان أحلي حاجة فيا
 
من جوايا اتعدم