اللهم آتنا في الدنيا حسنة وفي الاخرة حسنة وقنا عذاب النار
I'M not an angel
الجمعة، 22 مارس 2013
باب اخير
أنا آسفة
ومالوش لازمة اقولهالك
عارفة إنك مسامحني
لكن كمان هعيدهالك
قلبك اللي محكوم عليه
قلبي حبه من زمان
من يوم ماقصة الصداقة
اتغير ليها العنوان
غيرت فيا
وغيرت فيك
وفتحت باب قلبي بإيديك
لكن مكنش الباب الوحيد
ووراه كترت ابواب كتير
وبحبنا وبعزمنا لقينا مفتاح كل باب
إلا الاخير
إلا الاخير
مقلتهاش
قلبك يوم ما دق ليا
قلبي بسرعة حس بيك
وفي البعد عنك
ماتماداش
قلبي..وروحي وعينيا
كلمات كتير لاقت عليك
ومقلتهاش
الاثنين، 11 مارس 2013
لسة باقي بينا حوار
ولسة باقي بينا حوار..
ماهوش متقال
ولا قابل إني أداريه
وفي جعبة ذكريات يتشال
عايز يقول إني بحبك
عايز يقول ابعد بعيد
حوار عجيب
وفيه هتحكي اشواقنا بدون تلاكيك
أكون فيه "أنا"
تكون فيه"أنت"
ميحسش فيه حد منا إنه غريب
ولسة باقي بينا حوار
يبان من صوتنا لو نتكلم
هتحكي النبرة عن أسرار
يبان من العين لو هتسلم
هتحكي عن كل الاخبار
لسة باقي بينا حوار
ولسة بنحلم
ولسة بنحكي الاسرار
ده لسة باقي بينا حوار
ماهوش متقال
ولا قابل إني أداريه
ورافض فكرة النسيان
الاشتراك في:
الرسائل (Atom)