"أملي "بنكهة الألم
مُتعب أوي
في بُعدي عنك "مُنطوي"
وأنا وسط ملايين البشر
لكن أقول أزاي "بحبك"
وأنتي مش حاسة بأمان
دانا وجعي فاق كل الحدود
وبقيت "حجر"
اللهم آتنا في الدنيا حسنة وفي الاخرة حسنة وقنا عذاب النار
I'M not an angel
الأحد، 30 يونيو 2013
انا بوعدك
كل حاجة فيكي عدت عشتها
حلو الحياة دقته "فيكي" ومُرها
وإن يوم هسيبك
ف يا حبيبتي أنا "بوعدك"
انا مش بسيب حبيبة
من غير ما "اثبت" حبها
والفرحة جاية حتي لو من بعد "آه"
الخميس، 27 يونيو 2013
الأربعاء، 26 يونيو 2013
بحبك أكتر
بحبك اكتر
أقرر أبعد
وأبعد أكتر
أعيش في حياتي
والبعد يكبر
وأعيش بعدين
كأني نسيت
وكأنك مش واحشلي العين
ولا لقربك انا اتمنيت
وعادي بقول
هكون علي طول
سعيدة وعلي البعد هقدر
يمر يومين
ساعة وساعتين
ولا شوق بيهدي ولا بيلين
واصبّر نفسي
بإن البعد
أكيد في صالحنا احنا الاتنين
تيجي تكلمني بكلمتين
في غمضة عين
أنسي القرار
وأبدأ حوار
حتي لو عن الاخبار
وأرجع تاني قوام في ثواني واحبك اكتر
وأرجع تاني بسرع وأقول
إني بحبك كده علي طول
ولو يعدي عليا اليوم
هحبك اكتر
20-4-2013
الاثنين، 24 يونيو 2013
عن إحساسك
عن إحساسك جوا قلبك
لما بتنفذ حاجات
مفروضة وعادي جداً
تكون اصلاً مابتحبهاش
بس حابب اللي طالب
واللي رافض للمطالب
واللي سبّب التضارب
جوا قلبك بالساعات
عن"إحساسك" كل لحظة
عشت فيها و"هو" مات
السبت، 22 يونيو 2013
الحمد لله
تفكيرنا في اللي مش عايزينه
ينسينا اللي مالكينه
ويوصل الحزن جوانا مداه
وبكلمتين القلب يصفي
لما نقول "الحمد لله"
الخميس، 20 يونيو 2013
السبت، 15 يونيو 2013
الجمعة، 14 يونيو 2013
الأربعاء، 12 يونيو 2013
حاجات
في حاجات كتير متلغبطة
ماعرفش مالها ومالنا
حاجات كتير مالهاش اساس
لكن بتزيد في أوجاعنا
12/6/2013
السبت، 1 يونيو 2013
حلم علي قدنا
أوقات كتير بحلم أكون
معاك في بيت علي قدنا
نبقي سوا وكله يهون
نبقي سوا طول عمرنا
صباحنا في البيت البسمة
ومسانا شمعة حبنا
تيجي من شغلك تلاقيني
بالبسمة مستنياك
تيجي وبسرعة وتحكيلي
علي كل اللي بيجرا معاك
أوقات تلاقيني بقي بغني
في وسط المطبخ بصوت عالي
تيجي علي الباب ودندنلي
وبعدين تضحك علي موالي
آجي أنا هنا بقي وأدلع
وأعمل نفسي إن أنا مقموصة
أسيب الاكل واقولك واولع
واشوفك بقي وسط الحوسة
تيجي تقولي حبيبتي تعالي
ضحكتي دي مش استهزاء
لكن بفرح لما الاقيكي
بريئة دايما زي ملاك
اقوله خلاص برا المطبخ
سبني ادندن واعزف ناي
يقولي تمام علقي علي الماية
لاني عايز اشرب شاي
والفرحة تدوم ما بينا سنين
والحزن كبيره ما بينا سنة
وحياتنا تمام فل وياسمين
في عالم عبارة عن أنت وأنا
ويجي اليوم مكنش معاك أنا لوحدي
في حد تاني يكون بينا
يزيد الحب اللي مابنا
تحافظ انت علي وعدك
وأحافظ أنا علي وعدي
في بداي عمره يعلمنا
ازاي الحب يكون بالهمس
يكون لينا الماضي والحاضر
يكون لينا اليوم والامس
ولما ازعل منك وادايق
هيبقي هولينا اساس
اننا نرجع قوام نتصالح
من غير دوشة ووجع الراس
كل ده جوه الحلم انا بلاقيه
وبعيش فيه
وكفاية عليا ده الاحساس
الاشتراك في:
الرسائل (Atom)