اللهم آتنا في الدنيا حسنة وفي الاخرة حسنة وقنا عذاب النار
I'M not an angel
الجمعة، 30 أغسطس 2013
لعله خير.2
وصلتك بر الامان
وسبتني في أول طريق
عرفتك معني الحنان
وقلتني في القسوة غريق
مش هبكي..
أنا حسن ظني يميزني
عنك كتير
مش هزعل..
ده ربك لما بيحب عبده
بيبتليه
كل الحكاية ان زعلي عليك كبير
وبالنسبة ليا هحمد ربي
ولعله خير
السبت، 24 أغسطس 2013
الثلاثاء، 20 أغسطس 2013
يارب احمي مصر
بالنسبة للناس اللي بتقول ازاي تخسر صاحبك عشان السياسة واختلاف في الاراء
"اختلاف اراء اية يا باشا منك ليه دي بلد بتضيع وناس بتموت ده حق وتقولي
اختلاف اراء
يعني انت تبقي موافق علي قتل اخويا وتقولي اختلاف اراء انت بتستعبط"
انا مش شايفاه استعباط
والوضع فعلا يقرف
بس اللي يخليك متخسرهوش
انكم الاتنين فعلا عايزين مصلحة البلد
لكن الكدب والنفاق والقرف واعلام ودقون علي الفاضي وكلام بيودي لكن مبيجبش غير جثث هو ده اللي خلق اللي بيحصل ده
والدليل انك اول ما بتكتب
"ربنا يحمي مصر"
انت وهو في نفس الوقت بتقولوا "آمين" من قلبكم
ويلا بقي في ساعة الفجرية دي ندعي سوا
"ربنا يحمي مصر واهلها
ويهدينا جميعا"
وسمعوني "آمين" اللي من القلب بقي
#كاري
يابختك يا جدي
يا بختك يا جدي لحقت الحبايب
يابختك بجد
يارتني ينوبني من الحب جانب
ويبقي اللي باقي في الدنيا ديا
يتعدوا عد
يا بختك يا جدي
ده خالي و"ستي"
واقرب صحابي
دول حب غايب
لحقته اكيد
هتلقي معاهم الحب زايد
هتعيش سعيد
ولو يوم لقيتني بشتاق إليكم
وده كل يوم
ده لاني ديماً محتاجة ليكم
والذكري بس
تنسي الهموم
غباوة دي مني ومتعلمتشهاش
من اول درس
بان الحبايب نقرب اليهم
لان الموت مابيستني حد
وكل اللي بحتاجه حضن دافي
بغمض عنيا
بحس انا بيه
ويا ابقي جمبه
يا يبقي جمبي
يطبطب عليا
واطبطب عليه
خلاص مكانكم بقي احسن مني
والدمعة ديا فرح فيا دَبّ
ده اللي في الدنيا دايما بيشقي
ودايما حيله متهد .هدّ
لقانا هيبقي في الدعوة اللي
بدعيها ليكم وقت السجود
الدعوة دايمة من قلبي ليكم
لحد اما القي للدعوة رد
12/8/2013
التراك علي الساوند كلاود
https://soundcloud.com/kareenaa-kapoor/zol5um7slxiw
الاثنين، 19 أغسطس 2013
نهاية سلام
ولو حتي في ليلة القدر
دعايا هيبقي مستجاب
دعواتي ماليها السكات
حروفي دي هتفيد بإيه
رب العباد
انت العليم وانت السميع
لقلوبنا من قبل الكلام
انا بس بتمني السلام
بعد الممات
الناس تقول مش زعلانين
عارفين اكيد
الجنة هي الملتقي
ارتاح من الشقي
كل الحكاية اننا هنشتاق إليه
5/8/2013
27 رمضان
هجبك اكتر
أقرر أبعد
وأبعد أكتر
أعيش في حياتي
والبعد يكبر
وأعيش بعدين
كأني نسيت
وكأنك مش واحشلي العين
ولا لقربك انا اتمنيت
وعادي بقول
هكون علي طول
سعيدة وعلي البعد هقدر
يمر يومين
ساعة وساعتين
ولا شوق بيهدي ولا بيلين
واصبّر نفسي
بإن البعد
أكيد في صالحنا احنا الاتنين
تيجي تكلمني بكلمتين
في غمضة عين
أنسي القرار
وأبدأ حوار
حتي لو عن الاخبار
وأرجع تاني قوام في ثواني واحبك اكتر
وأرجع تاني بسرع وأقول
إني بحبك كده علي طول
ولو يعدي عليا اليوم
هحبك اكتر
20-4-2013
ليلة القدر
وليلة القدر دي بداية
لاحلي نهاية راح هتكون
طريق مبسوط من الدعوات
مافيش عقبات
طريق مقبول
تحس براحة في السجدة
وثقتك تكبر في الدعوة
تحس بأن جوا القلب
شعاع من نور
وقبل الليلة لو عاصي
بالحمد هتوصل للرضا
بالذكر هتوصل للهدي
والاستغفار يمحي ذنوب
وأكيد في الليلة دي هتّوب
5/8/2013
تكون ملكي
وعن كل اللي كان بنا
وعن كل اللي راح هيكون
أكون ملكك
تكون ملكي
هكون عشقاك بقي وبجنون
1/8/2013
الاشتراك في:
الرسائل (Atom)