colors

رسمة بقالها سنة وشوية

اول رسمة بالماية

وآخر رسمة لغاية دلوقتي

يكفي يعني

التراك علي الساوند كلاود

https://soundcloud.com/kareenaa-kapoor/tghidnggavrl

يكفي يعني

إن حبي ليك واجعني

و إني انطق!

ده استحالة

حبنا في مية ألف حالة

يوم اسيبك

يوم تسيبني

ترجع أشواقي تجبني

ونتكلم بإسم الصداقة

عادي جداً وببراءة

صقفة جامدة للحباقة

وكل اللي ليك واخدني

واعتراض بدون سبب

علي كل شيء بدون اسباب

حبك مخادع وياه العجب

فتح ابواب بدون مفتاح

و إني انطق!

ده استحالة

حبذا لجوئي لصورتك

او لصوتك في في ارتجالة

للاغاني ولمشاعري

يكفي يعني إن حبي ليك واجعني

يكفي يعني إن حبي ليك

واجعني

شفت فيك..

شفت فيك حقيقة اكبر 

من الملاك اللي في خيالي

شفت فعل ماضي لكن

الواقع كسر كلامي

من يومين انا كنت بقسي

علي نفسي وأحن ليك

كنت تافهة يوم ماجيتلك

واعترفت بحبي ليك

لية سقطت في الاختبار؟!

حبك لو اصبح قرار

يبقي محسوم النتيجة

لكن حبك ده قدر

والنهاية مش سعيدة

كدب وخوف وحب

الكدب ساعات

دايما اوقات

بيفرح لكن مبيطمنش

و الخوف من القول

دايما علي طول

بيطمن لكن مبيسعدش

و الحب كمان

في زمننا ساعات

بينسي ازاي هتموت لو عشت

محتاجاكِ

محتاجة اضمك من سكات

وانسي اللي فات

وجروحي..تتكسر في روحي

بدون ماحتاج للمعجزات

طبطبي علي نفسك اوي

وابكي لكن متطوليش

معجزتك الحقيق انتي

فضميها علشان تعيش

الاسرة

بصراحة في كتير مننا أتأذي بسبب اهله

اولا:في اللي اتأذي من إنهم منعوه من حاجات كتير

أ)بعضها حاجات لو عملها كانت هتضره فعلا بس هو مش مدرك ده

ب)بعضها حاجات كانت هتنفع جداً ولإنه معملهاش كان ده ضده

لكن في الحالتين فالمنع أساسه الخوف و الخوف اساسه الحب

ثانياً:في اللي إتأذي بسبب انه سمحوله يعمل حاجات كتير

أ)في اللي عرف معني الحرية دي وقيمتها واستخدمها صح

ب)وفي اللي كان عارفها بس كان محتاج للمُرشد فتجاهل الحرية الصح واستخدمها غلط

وفي الحالتين ف الإباحة وعدم المنع كان أساسها خوف اساسه حب برده

بس تشكل علي قدر من الحرية هدفه تكوين شخصيتك

ثالثاً:في أهل دايماً عايزيك في أعلي مكانة

فغصب عنهم مبتحسش منهم بأي رضا للمكانة اللي انت بتوصلها

وتلاقي دايما بيبصوا للسلمة اللي فوق السلمة اللي انت واقف عليها

رابعاً:في اللي اهله اصلا غلط

واللي بيشوف منهم الأذي صريح وبدون مبررات

سواء في حقه او حق نفسهم

................................................

في كل الحالات دي احنا مش هنعرف نغير من اهالينا ولا نغير من شخصيتهم غيير بنسبة صغيرة جدا وده لو كنا عباقرة في التعامل اصلا

فمش قدامنا غير التأقلم مع استمرار المحاولة

استمرار محاولة تغيرهم

والتأقلم مع الوضع الحالي حتي يحدث تغيير

و لإننا منقدرش نغير غير بنسبة قليلة  فيهم "ومع ذلك علي الاقل لازم تحاول توصل للنسبة دي..صدقني هتفرق في حياتك"فاحنا مازلنا نقدر نغير بنسبة كبيره فينا

فلازم ناخد بالنا كويس اوي من كل شيء وسلوك كان بيإذينا من اهلنا

ونفكر كويس امتي كان معاهم حق

وامتي كنا احنا علي حق

ومنكررش ده في المستقبل مع الاولاد والاحفاد

هتقووووولي "يوووووووه هو انا هفكر فيهم من دلوقتي مش لما اعيش لنفسي الاول"

لا يابرنس مانت لو فكرت ازاي تعيش صح من دلوقتي هتكون بتفكر فيهم كمان

مهما كان اللي انت عايز تعمله هتعمله

سواء في منع او حرية

بس ده مبيحصلش بشكل مطلق غير بإنك تضحي

هتسألني اضحي بإيه

هتضحي بوجود اهلك في كيان حياتك

وهتكون عاق وعاصي ليهم

وبيتهيألي ده مش هدف اي حد مننا "وصاحبهم في الدنيا معروفا"

بس لو انت عايز براحتك

مش هضربك علي ايدك

انا مش ماما

بس التضحية دي مصحوبة بتضحية اكبر

وهي "دينك"

ولتوضيح النقطة دي

خش علي المقال ده:

http://kary-angel.blogspot.com/2014/08/blog-post_87.html

حزن الحب

جماعة مش بقيت حاجة مستفزة اوي ان حد يحب ويتجرح ويقول عمري ما هحب تاني

(عمري ماهحب تاني)

لا حظ انك بتتكلم في المستقبل

المستقبل ده انت عارفه؟

متاكد من اللي هيحصل بيه؟

ليه بتحط قرار بكل ثقة كده في حاجة انت ملكش دخل فيها اصلا

اللي ربنا عايزه هيكون سواء انت عايز او لا

غير كده قلبك مش بايديك واللي بيقول قلبه مات

اقوله وجودك وسطنا اكبر دليل علي انك حي

ياريت منحطش قرارت المستقبل علي جرح الماضي او الحاضر 

لو اللي فات انتهي 

لسة اللي جاي هيبتدي

بلاش ننهيه قبل بدايته..

لو اللي فات جرحك

يمكن انت كنت تستاهل الجرح ده عشان تتعلم

او يمكن انت كنت مستاهل تتعلم من الجرح ده عشان متنجرحش تاني

لعله خير :)

كبيرة عقوق الوالدين

بسم الله لرحمن الرحيم

"وقضي ربُّك ألا تعبدوا إلا إياه وبالوالدين إحساناً"

صدق الله العظيم

أولا:في #فضلهما

قال تعالي:

"إما يبلغن عندك الكبر أحدهما أو كلاهما فلا تقل لهما أفٍّ ولا تنهرهما وقل لهما قولا كريماً واخفض لهما جناح الذل من الرحمة وقل ربِ ارحمهما كما ربياني صغيرا"

والفضل دايما للمتقدم

ولا يقع التساوي

يعني مهما عمل الاولاد من خير للاهل فمستحيل يتساوي مع خيرهم علينا

طب في نقطتين كده

واحد:

في ناس كتير بيبقوا منتظرين حاجات معينة من الاهل ولما مبتحصلش بيحسوا ان اهلهم معملوش شيء من اجلهم في الاساس

نصحي هنا شوية..لأن الاهل بيعملوا وبيعملوا كتير بس احيانا انت بتكون مستني منهم الشيء الغلط

واحيانا من خوفهم عليك بيمنعوا عنك شيء صح

واحترامك للهدف مش للوسيلة

اتنين:

في اهل فعلا كل تعبهم اللي تعبوه عشانك في الدنيا هو يوم الولادة

واول شهرين حمل

واخر شهر 

والباقي ولا يعرفوك

لكن ربك قال اية :"وصاحبهما في الدنيا معروفا

................................................................................

قال الرسول صلي الله عليه وسلم:"رضي الله في رضي الوالدين وسخط الله في سخطهما"

#الجهاد في الوالدين

عن ابن عمر رضي الله عنهما قال:جاء رجل يستأذن النبي صلي الله عليه وسلم في الجهاد معه,فقال النبي صلي الله عليه وسلم:"أحي والداك؟قال:نعم.قال:ففيهما فجاهد"

وطبعا فاكرين موقف آخر لما الرسول ردرجل أتي لطلب الجهاد لأنه ترك ابويه يبكيان وطلب منه يضحكهم زي ما أبكاهم

فضل بر الوالدين ااكبر من فضل الجهاد

ده يخلي المخ يلف شوية

لية معظم الشباب بيفضلوا ما في اعتقداهم جهاد علي بر الوالدين؟

و كيف يكون الجهاد في الوالدين"

للأسف معظمنا سرقاه السكينة

وحابب يشوف نفسه بعيون نفسه..مجاهد في سبيل الله وثورجي وضرب ده بسيكنة او عور ده ..وعلم علي ده وغيره وغيره وغيره

يمكن لان كتير مش فاهم الدين صح

او كتير بيتجاهل اللي فهمه من الدين صح عشان غروره قدام نفسه

استني يا حجة ازاي غرور.. غرور اية دانا بموت..

اه تصور غرور.. ورياء كمان "والرياء من الكفر علي فكرة"

ولو فعلا جهاد فانت عارف الاصح

اهلك مش موافقين؟!!

تبقي حاجة من الاتنين

يإما انت اصلا علي سكة غلط شايفها صح

يا إما خوفهم زيادة وإيمانهم اقل ..وساعتها يبقي جاهد فيهم

ازاي؟

بإنك تقنعهم بالصح

بإنك تخلي إيمانهم اقوي

موضوع صعب اووووووووي..بس الجهاد مش سهل

وبيتهيألي الجهاد في الوالدين مش كده بس 

في بعض الاباء بيبقوا علي باطل اوقات كتير

الجهاد فيهم

تحمل آذاهم

وحملهم علي الحق قدر المستطاع

اشكيهم لربنا

مش للناس

ادعيلهم

ولا تدعيش عليهم

....................................

ومش بستثني نفسي من شيء

احنا جيل الخير جواه موجود بس الضلمة مغطياه اوي

جيل كاروهات كده 

ربنا يصلح حالنا

..................................................................

و اخيرا:

قال رسول الله صلي الله عليه وسلم:

"لا يدخل الجنة عاق ولا منان ولا مدمن خمر"

"لعن الله من سب اباه,لعن الله من سب أمه"

"كل الذنوب يؤخر الله منها ما شاء الله الي يوم القيامة إلا عقوق الوالدين فإنه يُعجل لصاحبه"

صدق رسول الله صلي الله عليه وسلم

يعني العقوبة في الدنيا قبل يوم القيامة

يعني لو حياتك حاسس انها زفت

راجع نفسك كده يمكن معملتش اللي يخليك تستحق حياة افضل

^_^

حاول

اكتب كل مشكلة في حياتك وعقبة علي ورقة 

واكتب اية اللي انت حابب المشكلة تنتهي عليه

اكتب في ضهر الورقة كل الحلول الممكنة

اكتب اللي تقدر عليه من الحلول دي

نفذ اللي تقدر عليه

وسيب الباقي علي ربنا

جمع الورق ده

وكل ما تعمل اللي تقدر عليه في مشكلة

ارمي ورقتها

وبكده تلاحظ ان مشاكلك بتقل ماديا 

قبل معنويا

بم اننا في عالم مادي شوية

I'm just a girl

بالقلم الرصاص

بعد التحديد

بعد تلوين الشعر

بعد تلوين الوجه

بعد نهاية التلوين

النتيجة النهائية مع الرسمة اللي المفروض انها الاصل يعني :)

............................................................................................

بعد اللقطات عن قرب اثناء مراحل الرسم والتلوين مع بعد التعديلات

النهاية مش سعيدة

شفت فيك حقيقة اكبر

من الملاك اللي في خيالي

"شفت"فعل ماضي .لكن..

الواقع كسر كلامي

ليه سقطت في الاختبار

حبك لو اصبح قرار

يبقي محسوم النتيجة

لكن حبك ده قدر

والنهاية مش سعيدة

طفل

للاستماع من هنا https://soundcloud.com/kareenaa-kapoor/kjixgur5w0zp

تسجيل صوتي جديد

كلمات Bahaa c Alex

www.facebook.com/angel.c.alex

و آدائي البسيط

>>>>>>>>>>>>>>>>>>>>>>>>>>>>>>>>>>>>>>>

اجمل حب يجيلك

..لما تكون لسة طفل

..ضحكة جميلة بتغنيلك

..لما تكون لسة طفل

..ولا عنده مشكلة ف الدنيا

..ولا غيره شايفه حاجة تانية

..لانه لسة قلبه طفل

..معندهوش مشاكل اقتصادية

..ولا بيقول شقة وعربية

..مفيش لحظة هم معدية

..يمسك ورقة ويبدا رسم

..يرسم قلب  جواه سهم

..يكتب اول حرف  اسم

..للورقة ده مجرد اسم

..بالنسباله هو العالم

..بالنسباله هو الحلم

..الطفل اتمكن يرسم اكتر

..كل شوية شوية بيكبر

..فى ذاكرتة رسمة بتتبخر

..لبنت جميلة عملة ضفيرة

..هو كبر ومكبرش الطفل

Elephant

فيل صغنن من فصيلة الفراشات :)

...................................................

دي الصورة الاصلية

.......................

....................................

الرسمة قبل التلوين

....................................

مراحل التلوين

قديسة..وملاك

شعر مشترك لتاني مرة مع شخص عزيز عليا وبيسعدني اني اشارك معاه في الكتابة
Bahaa c Alex

https://www.facebook.com/angel.c.alex?fref=ts

...Angel...

مهما طال الغياب

الاقي قلبي بيحس بيكي

بقيت جسد من غير روح

لإنها ساكتة فيكي

...Kary...

الغياب ده شيء مُقدر

بس روحنا هتلتقي

مهما نبعد بلاش تفكر

إن حبي هيتلغي

...Angel...

كل ذكري عايشة فيا جوا مني بس ليكي

بقيت بحب كل الدنيا علشان بشوفها بعنيكي

...Kary...

لو بصيرتي مرة غابت..نور عنيك يبقالها ضيّ

خلّي عينك احلي مني..ابقي اقوي..ابقي حد ماله زيّ

...Angel...

انتي كل ماضي ليا..انتي عمري اللي جاي

قلبي بينبض بس ليكي..طول ماقلبي نبضه حي

...Kary...

الحياة معناها إني..ابقي ليك ذكري جميلة بالوجع وبالفرح

وإن جعوتي البريئة تتقبل..ولا يوم تُردَ

...Angel...

لو الفراق نصيب مش هقول قلبي انجرح

وهتفضلي القديسة اللي مقبلتش زيها حد

...Kary...

الفراق بلاش يكون شيء بيجرح بُعدنا

خللي ذكرياتنا تجمعنا ومن وجعنا تلمنا

...Angel...

لو انتي مش معايا حوليا روحك بتكون هنا

ي أجمل شيء في الحياة يا هدية ربنا

...Kary...

اوعي تجمعنا صدفة بعد البعاد و ألقاك غريب

اوعي مهما بعدت تنسي حد كان منك قريب

...Angel...

انسي حد عايش فيا ده حتي ييبقي برضو عيب

مانتي عايشة في ملامحي..اللي يحب بيشبه الحبيب

...Kary...

الملامح راح نسيبها والمباديء دي الاهم

تبقي شبهي و ابقي شبهك..في كل شيء حلو ومهم

...Angel...

اوعديني تبقي جمبي في عز ضيقتي او في هم

و إن أنتي تحكي قصتي لبنتك..مأنتي بكرة هتبقي أم

...Kary...

اوعدك بإن الكلام عنك يبقي بكل خير

هحكي ياما ومش هزود..لكن مش هحكي بضمير

...Angel...

كل واحد فينا في يوم هيبقي مع حد غير

هتبقي اسطورة حياتي..بكن ليكي حب كبير

...Kary...

الايام بتجمعنا باللي نستحقه من الحياة

رغم إن ذكرياتنا بتجمعنا باللي بنتمنااه

...Angel...

القلب دايما بيفتكر الحب حتي لو الحب نساه

صورة تبقي عايشة وسط زحمة الحياة

...Kary...

الملاك لو عاش حزين يبقي حزنه مملكة

خلّي حبك في العينين.حتي لو مش ليا أنا

...Angel...

في مملكتي كل يوم هتكوني قديسة متوجة

و مهما شافت العيون مش هنساكي يا أنا