love for all "new drawing"

رسمة بنت بالفحم

تائهة في دنيا بلا معاني

ليس كل ما نرا حقيقة ولكن ما نشعر به في الغالب"..."

ساعات

ساعات بنحس إننا مظلومين

 

عشان ظلمنا في يوم وماحسبناش نفسنا

 

ساعات بنحس إننا مجروحين

 

يمكن جرحنا في يوم وده ميرضيش ربنا

 

 

 

ساعات إنت

وساعات انا

الحزن مالينا سنين طوال

 

 

وساعات كل اللي حولينا هنا

ومش حاسين غير بالنار

 

 

ساعات وساعات وبتعدّي

ولا بتقف في أي مكان

 

 

وساعات الدنيا بتهدّي

وبتعيشنا في الاحلام

 

 

وساعات أحنا عشان ننسي

بنعيّش غيرنا في الأوهام

 

وساعات هما عشان ينسوا

بيخدعونا بأحلي كلام

 

 

ساعات بتمر بالطول والعرض

وإنت بين السما والأرض

 

 

أوقات هادية

وأوقات صعبة

وأوقات جدّ

ومش لعبة

وأوقات توقفك علي الحد

وتسمع كلمة مش حلوة

 

لا في ساعة شبه غيرها

ولا في يوم شبه غيره

ولا أنا ولا انت ولا هو

عاش قدر كان لغيره

 

ساعات تترمي جمب رصيف

مستني حد يديك رغيف

خايف تعدي البر التاني

تلاقي الربيع بقي خريف

 

ساعات نفتكر ساعات ننسي

ساعات نحِنّ ساعات نقسي

ساعات العيون تتملي دموع

وناس بالقلوب حاسة

 

 

وعشان في يوم تشوف النور

ساعات لازم تكون أعمي

أول تجربة بالالوان المائية

مش مفهومة

احم احم بتمني قبل ما اي حد يقرا

يعتبر ان الكلام اللي بدايته العلامة دي * مجموعة اطفال هي اللي بتتكلم

والكلام اللي ما بين علامة تنصيص"" هي الشخصية الاساسية وهي بنت في مقتبل العمر

 والكلام اللي بدايته شرطة - ده كله البنت ومجموعة 

عاشق ومعشوقة_

قاتل ومقتولة

وعيل صُغيّر وحنين

أمه ضربته بالطوبة

"فاهمين حاجة؟"

إلأ إلأ*

"سامعين حاجة"

إلأ إلأ*

"طب ليه مش فاهمين"

علشان مش عارفين*

"وليه مش عارفين"

إنتي تبقي مين؟*

أنا أبقي أنا ومش أنا وكأني حد تاني"

 فلسفتي غير هيجل وأرسطو

"فلسفةُ الايامِ

وبعدين*

ولا قبلين"

علي شط البحر كنت ماشية

بتمني يرجع زماني

البحر كان هايج أوي

من غضبه عماني

وشوفت بنت بتغرق في الماية

فجريت ولا رجعت تاني

وقبل ما تقولوا حاجة ليا

أو تلوموني علي أفعالي

أصل أنا مكنتش هقدر أنقذها

"ولا كان هيفيدها حناني

كان يكفيكي شرف المحاولة..إنتي شخص أناني*

"وكان إيه هايفديني لو الماية راحت أخداني"

إنتي أناني*

"لا مش أناني"

ضيعتي حياة*

ما حياتي عشاني"

ليه أضحي بيها وانا لسة معيشتش أيامي

بس خلاص هكلمكم الرواية

"علشان تعرفوا أصل الحكاية

بس أنتي*

وتكملي ليه؟

وتضيعي وقتك

يا سعادة البية

هربت بسرعة وقلت نجيت"

قلت أدور علي طريق البيت

عايزة أروح وأنسي الموقف

بس لقيتني لطريقي ضليّت

وفضلت أسأل نفسي كتير

الطريق إتغيّر ولا أنا نسيت

مكنش الشط هو طوق النجاة

ولا كان هروبي منه ليا الحياة

زي ما البت كانت في البحر

أنا كمان كنت علي البر

محتاجة اللي يساعدني

وميكنش معايا أناني

تصرفي مع اللي حصل

عمره ما كان نجّاني

تصرفي مع اللي حصل

هو ده اللي أذّاني

سبت البنت تغرق

وسديت عن صراخها وداني

وعرفت إحساسها لمّا

كنت بين آلامي

لا في بُعدي كان الحل

ولا جُبني كان الهنا

سبت البنت تغرق

"والبنت كانت أنا

المينا

وداخلين علي المينا

كل سفينة

عاملة جريمة

والبحر بقيت

قصته حزينة

يا بحر يا مظلوم من اهل المدينة

اصبر علي اللي عملناه بإيدينا

بكرة نعلق تاني الزينة

ونزّف عريسنا لعروستنا

نزّف العريس لمصر الجميلة

my drawings(7)

دي رسومات بالرصاص وبعد التلوين

........................................................

................................................

.............................................................

my drawings(6)

رسومات ملونة

my drawing(5)

رسومات بالقلم الرصاص بدون تلوين

my drawings(4)

رسومات بالقلم الرصاص دون تلوين

دي قطرة ماء

دي بالفحم

ودي كمان بالفحم

ومن ثم