واية التجديد؟!!
ما بين شطك وبين بلكونتي وسريري
مع الافكار انا بسرح..في نفس مشاكلي وجروحي
فأنام غرقان ...في بحر ملامحه مغايرة لملامحك
واحلم بيك ..وبريحتك لما بتسأل "إية جارحك"
فاقوم محتاج اكون وياك بقلبي وعقلي وبروحي
فَ إية السر من فضلك..ياريت ..وبجد..تحكيلي
SaFy Essa
أحكي إيه و لو أفسر
يكون الجرح غلاب
أكيد يعني ياما حكيت
و كل يوم بفسر بيت
هنعمل إيه في زمن قلاب ..
متمشيش و لا تعدي
غير لما أسيبلك جرح
تشيل عني و أسيب أملي
عشان أملي ألاقي الفرح ..
هتفتكر إني كنت عذاب
هتحسبني من الناس طرح ؟
-------------------------
طرحني البُعد
وجيت ع الباب
وقلت أكيد راح ألاقكي
كفاية عتاب
متستاهليش
غير إن الحب يلقاكي
حاجات بتمر
وناس بتموت
لكن برضو حاجات بتعيش
عذاب كداب
وليل وطموح
وراح أبقي
"أنا معاكي"
ولا عمري هحس ب"جرح"
Alia AzoOz
مهو الجرح بيبان
لما تحس بيه
وتدوس عليه عشان
تداوى الى حصل فيه
ويوم ما تفكر كمان
تحطله شاشه تداويه
هتلاقى الدم غرقان
ومش هتقدر توقف فيه
Kareenaa Kapoor
انا جرحي راح يصدق
لو اتعلم يكون في البعد
معاكي كل شيء بيهون
ويحلي المر
وحتي الدم
معاكي ده مجرد لون
ومبيوجعش
بلاش..وانسيلي اي هموم
ده لو شيء راح مبيرجعش
Alia AzoOz
انسى هموم ازاى وادارى
وانا عارفه انك حزين
بتقولى كلام علشانى
وانت بتدى امل وحنين
ولكنك عصفور بينادى
الم ووجع بقاله سنين
بطل كبر بقى وكفانى
ليا رب سميع وعليم
SaFy Essa
اعوذ بالله من الهم
عشانه انا ياما بكيت
كان سامع و انا خاشع
رجعني لما قومت مشيت
أكيد يعني عفور و رحيم
و انا مليش غيره بيت
ياريت بس يسامحنى
و يمسحلي ذنوبي كتير
ساعدني ي ربي ع التدبير
و قويني لو اترديت
انا عابد و ناوي أسير
طالما إيماني هو الخيط
Kareenaa Kapoor
ربك سميع..
كريم..
وعليم
وجعلنا اسباب في الحياة
لأجل السعادة ولكل خير
وانا من سعادتي"كونك بخير"
فبلاش تزايدي وتداري "آه"
خارجة بتوصف دمعتك
خليكي جمبي راح أقوي بيكي
ونخرج سوا من محنتك
لو حد"شاء" فالكون معاه
SaFy Essa
كل المشيئة فـ الكون تهون
قصاد دعوة نازلة بدمعتك
فـ سكون الليل و دموع و جفون
رافضة تنسي سكتك
سكة " آهات" مش " أه" واحدة
سكة عيون و سراب و رقة
و هتبقي هي محنتك
طول ما مسلم للأمور
لو غاوية سكتك ..
كل طموحي محتاج زقة
إنتي حاجتي فـ دنيا سكة ..
ليست هناك تعليقات:
إرسال تعليق