كل الحكاية 3

كل الحكاية ان زعلي عليك أهم..من اني ابقي ليك ضحية

قلبك حجر

في الحب....

قلبي كان مركب شراع حركه الهوي 

في ثواني

وانتي قلبك كان حجر حس بالهوي زي

وسابني اغرق في البحر...رماني

الفرح

الفرح ده جوا منك

حتي لو زعلان كئيب

تقدر لو من غير جناح

فوق كل الاحلام تطير

مش مجاملة او كلام

مش حقيقة ومش خيال

ده أنت لو يوم انجرحت

من بعيد كان أو قريب

حجة النسيان دي سيبها

_من الحقيقة المؤلمة_

إن الجراح مبتتنسيش

_لكن الإرادة حلوة_

هي دي اللي تعلمك

التعايش مع الحقيقة

والتعامل مع الحياة

رغم إن حزن دايب

جوا قلبك من سكات

طول ما قلبك لسه عايش

متقلش إن الحب مات

_إن بعد العسر يُسر_

_إن بعد الضيق فرج_

وأنا رغم إن عزا قلبي

خدته من ناس كتير

مُت من سكات في صمتي

ولا حس حد إني جريح

عشت تاني..

لما بصيت للأماني

_واللي ضاع منها كتير_

قلت "لا" مش لازم أيئس

وبالأكيد

"لعله خير"

جزء من رواية لم تُكتب بعد..بقلمي

طلب منها بعدما أوقع الحب بهما في مجري العشاق

رغم أنه لم يراها

طلب أن يحادثها هاتفياً ويقابلها

لتبرد نار الاشتياق بقلبه ولتثبت حبها من وجهة نظره

رفضت....

عاتبها

أخبرها أنها تُفضل مبادئها علي الحب

أجابته بأنها تفعل هذا من اجل الحب

من أجل حبها لله حبها لاهلها حبه وحب من تنتظر

ان تنجبهم منه

قالت"بل من أجلك ومن أجل أن أتعاون معك علي تعليم تلك

 المباديء لاولادنا في المستقبل"

لم يفهمها......

عاتبها.....

تركته ليُحقق ما يُريد مع امرأة تري اختلاف بين الحب 

والمباديء

تركها لتُحقق ما أرادت مع رجلٍ لن تجده

اتغيرت

اضافة بسيطة "رد"علي كلام الشاعر محمود عادل

صفحته https://www.facebook.com/sha3er.takhen?ref=stream

(محمود عادل)

ليه خوفت موت انك تموت

وهى مجروحه بايديك

هو من امتى فى بنت

جت ف يوم صعبت عليك

ليه شفتها غير اللى فاتوا

واللى عدوا من البنات

من امتى اصلا وانت فاضى

تبص لحظه على اللى فات

:

:

:

:

:

:

(كاري)

مبقيتش أنا اللي حياته كانت

فصل كامل من الجنون

مبقيتش أنا اللي بعيش في لحظة

أخلي فيها حبيب يموت

كل اللي فاتوا لو بإيدي

لدفعت تمن اللي راح

ورميت بأوراق الكرامة

وضمدتلهم الجراح

كل اللي فاتوا لو بإيدي

لدفنت نفسي قصد عنيهم

في سجن خالي من الجمال

وطلبت منهم يغفرولي

خيال وللأسف محال

أما التغير

فالسبب مضمونه,هي,

اللي اخترقت الحياة

وصارت قضية

وعشانها لازم المحامي

يبقي عنده اثبات براءة

لكل قضاياه الخفية

كلمتي

محتاجة حد يفهمني

من غير ما أعبر بالكلام

محتاجة اللي يحسّني

من غير ما أي سلام يطَوْل

عشان مارجعش أعيد وأزيد

في حاجات خطتها من الاول

أنا مشاعري للحبيب

بتبقي مختفية في سكات 

مبتظهرش غير لما توصل

"دبلتي" لأيدي "الشمال"

13 ديسمبر 2013

هتعيش غريق

؟

!

.

_

؟  إستفهامي ليه أنت يعني

بتحبني بالشكل ده

! وتعجبي من أنت ليه

صابر عليا كل ده

رغم إني أصلاً مش جميلة

ولا حتي كنت حنينة

.  والنقطة دي آخر الحكاية

لقصة حب مكنتش ليك

_  والشطرة فصلة ما بين بداية

مكنتش لازم تبتدي

وبين نهاية في حلمنا 

ملحقش يكون ليها طريق

وقبل البداية بتنتهي

ابعد يا ابني حرام عليك

ده انا حبي "بحر"

إن "عشت" فيه هتعيش "غريق"

2 ديسمبر 2013