عدت سنة

عدت سنة

والذكريات جوايا عايشة

وساعات بحس إن اللي مات كان "انا"

عدت سنة

لية؟!

لية يا دنيا بتشتكيني.مِنّي 

لما انجح و اثور

لية بتسخري..وعنِّي

مبتقوليش:ثائر جسور

لية اقع علي حرف درجة 

من سلاملك واتكسر

لية عيوني لما تضحك

أو لبكرة تبتسم

بتكتميها بالدموع

لية سيوفك فيّا راشقة

وملاكك مش بيحرس

لية مع إني عاشفة

والمُهرج مش بيرقص

لية بقيتي بمعني واحد

جرح..جرح..ومش بموت

مع الشاعر"ضياء الرحمن"

ضياء الرحمن:

فيا منك..مني فيكي

يا حبيبتي كلي ليكي

ساكتة ليه ده انا بقوي بيكي

و ان اسيبك ده مُحال...

كاري:

اكسري فواصل الكلام

واعشقيني بكل حالة

خلّي زعلك اشتغالة

واحضني كل ارتجالة

افتحي لحبي المجال..

الشاعر

الشاعر الشاطر

بيخاطر

هيصوم عن حبي..وقالها زمان

وارجع الاقيه دايما..فاطر

صاحبتي

انا عايزة اقرب منك ساعة

تحكيلي ونغرق في التفاصيل

تشكيلي فنضحك واشكيلك

منك واغضبلك فمتبكيش

انا عايزة اكونلك شماعة

للحزن بتكسر طعم الخوف

انا ببعد فجأة مبعرفنيش

ولا اقدر اقولك "اصله ظروف"

معلش "انا آسفة" علي التقصير

احلامي بتقلب بالكوابيس

وواقع بيتحقق من الاحلام

انا عايزاكي تقوي وتتماسكي

لغاية ما ارجع لطبيعتي وانام

مُشكلتي

مشكلتي في ,إنك,,مشكلتي

وطبيعي المشكلة لو صادقة

تتحول لكئابة مُفاجئة

وتتحل بكلمة "يا حبيبتي"

الحقائق

انصاف الحقائق مؤلمة

لكن أحياناً الحقائق كاملة تكون أشد إيلاماً