الاثنين، 16 أبريل 2012
اسمعيلي وافهمي
اسمعيلي وافهمي
_إسمعيلي وافهمي كلامي ليكي اوي
هموم الدنيا خنقاني
ومش لاقية اللي ينجدني
فاسمعي مني كلامي
يمكن سعادتك تسعدني
قوليلي علي حد بيحب ومتآذاش
قوليلي علي جرح داب وباش
ده كل حزن بيفضل جوانا مبيتنساش
_سمعتلك وحاولت أفهم كلامك
لقيتك ضايعة ما بين شجونك واحزانك
أنا برده بتمني السعادة ليكي
بس دوري يمكن هي قدام عنيكي
وليه بس تظلمي العاشقين
هما اللي بيحبوا راحوا فين
_أهو إنتي بتسألي وعايزاني أجاوبك
وانا بقولك ماتتبعيش أوهامك
_أوهامي أنا شايفاها حقيقة قدامي
أنا مع إنسان ملاك وفارس احلامي
_شفت كتير زيك فرح
وشجر الحلم في عقله طرح
لكن بعد يا دوب يومين
يرجع يندم يفضل حزين
يقول يارتني سمعت عقلي
ومامشيتش ورا الاحساس
يارتني كنت قتلت قلبي
قبل ما يجرحه أغلي الناس
_متقسيش علي الحب وتنهي بدايته
ده كل شيء في الكون مجهول نهايته
الحب عذاب لناس كتير
بس احلي عذاب
يمكن في دموع كتير
واحلي خجل ويا العتاب
_شايفة السذاجة جوه منك
وكأنه ضايع جزء منك
_أيوة ضايع جزء مني بقي ملك ليه
لكن هو كل حياته بقيت ملك ليا
أيوة انا بشتاق لنظرة واحدة من عنيه
وهو دايما بيسهر يحلم بعنيا
ثقي بالحب ولو لثانية
بصي للدنيا بنظرة تانية
الحب شيء مش سهل انك تحققيه
ويمكن اللي فات درس كان لازم تتعلميه
ولسة هيجي اللي ليكي
وانتي ليه
الأربعاء، 11 أبريل 2012
الجمعة، 6 أبريل 2012
العصر الجاهلي
في العصـــــــر الجاهـــــــلي قالـــوا الصح
إنـــــــك تبـــــــات ظالــــــــــــــــــــــــــم
ولا تبــــــــــــــــتش يـــــــوم مظلــــــووم
إنـــــــــــك تكـــــــــون جبــــــــــــــــــــار
ولا يــــــــــوم تكـــــــــون مهمـــــــــــــوم
لكـــــــــــــن ده عــــــصر جاهلــــــــــي
وده عصـــــــــــــر خلــــــص خلاص
واحنـــــــــــا فـــــي زمــــــن غيـــره
حســــــــــوا بقـــــــي بالنــــــاس
العظمــــــــــــــة بقي أســــــاســـــها
إانـــــــــــك لازم تفـــــــــضل كبيــــــر
كلمة صغــــــــيرة تتقـــــــــــــــــــــــال
وبسببها بحــــــــــــر دم يسيــــــــــل
آه يا زمـن علـــي اللي ضاع من عمرنا
كنا طُغاة جبابرة وماحدش كان قدنــا
تعدي السنين والفجور يزيد وسطنا
نقتل في نـــــــاس كل ذنبهم إننـــــــــا
عليــــــــــــــــهم كنـــــا أُمـــــــــــراء
عليهـــــــــــــــــــهم فرضنـــــأ إسمنا
ماعملناش هـــــم ليوم الحســـــاب
اللي هيجي وقته لنــــــــــــــــــــــــا
ويبقي الحساب مليان عتـــــــاب
ويبقي القدر مكتـــــوب لنــــــا
ده عملنـــــأ وده جزاءنــــــــــا
وده اللي ظلمنا بيه نفسنـــــــا
وبعد ما الوقت فـــــــــــــــــــــات
بندعــــي يا رب إغفر لنــــــــــا
عشنــــــــا حياتنا كلها عنــــــــاد
نسينــــــــا نهاية عمرنـــــــــــــا
نتبري من السيئــــــــــــــــأت
نتمني حسنــــــــــة ترجــــع لنـا
الاشتراك في:
الرسائل (Atom)