جزء من رواية لم تُكتب بعد..بقلمي

طلب منها بعدما أوقع الحب بهما في مجري العشاق

رغم أنه لم يراها

طلب أن يحادثها هاتفياً ويقابلها

لتبرد نار الاشتياق بقلبه ولتثبت حبها من وجهة نظره

رفضت....

عاتبها

أخبرها أنها تُفضل مبادئها علي الحب

أجابته بأنها تفعل هذا من اجل الحب

من أجل حبها لله حبها لاهلها حبه وحب من تنتظر

ان تنجبهم منه

قالت"بل من أجلك ومن أجل أن أتعاون معك علي تعليم تلك

 المباديء لاولادنا في المستقبل"

لم يفهمها......

عاتبها.....

تركته ليُحقق ما يُريد مع امرأة تري اختلاف بين الحب 

والمباديء

تركها لتُحقق ما أرادت مع رجلٍ لن تجده

اتغيرت

اضافة بسيطة "رد"علي كلام الشاعر محمود عادل

صفحته https://www.facebook.com/sha3er.takhen?ref=stream

(محمود عادل)

ليه خوفت موت انك تموت

وهى مجروحه بايديك

هو من امتى فى بنت

جت ف يوم صعبت عليك

ليه شفتها غير اللى فاتوا

واللى عدوا من البنات

من امتى اصلا وانت فاضى

تبص لحظه على اللى فات

:

:

:

:

:

:

(كاري)

مبقيتش أنا اللي حياته كانت

فصل كامل من الجنون

مبقيتش أنا اللي بعيش في لحظة

أخلي فيها حبيب يموت

كل اللي فاتوا لو بإيدي

لدفعت تمن اللي راح

ورميت بأوراق الكرامة

وضمدتلهم الجراح

كل اللي فاتوا لو بإيدي

لدفنت نفسي قصد عنيهم

في سجن خالي من الجمال

وطلبت منهم يغفرولي

خيال وللأسف محال

أما التغير

فالسبب مضمونه,هي,

اللي اخترقت الحياة

وصارت قضية

وعشانها لازم المحامي

يبقي عنده اثبات براءة

لكل قضاياه الخفية

كلمتي

محتاجة حد يفهمني

من غير ما أعبر بالكلام

محتاجة اللي يحسّني

من غير ما أي سلام يطَوْل

عشان مارجعش أعيد وأزيد

في حاجات خطتها من الاول

أنا مشاعري للحبيب

بتبقي مختفية في سكات 

مبتظهرش غير لما توصل

"دبلتي" لأيدي "الشمال"

13 ديسمبر 2013

هتعيش غريق

؟

!

.

_

؟  إستفهامي ليه أنت يعني

بتحبني بالشكل ده

! وتعجبي من أنت ليه

صابر عليا كل ده

رغم إني أصلاً مش جميلة

ولا حتي كنت حنينة

.  والنقطة دي آخر الحكاية

لقصة حب مكنتش ليك

_  والشطرة فصلة ما بين بداية

مكنتش لازم تبتدي

وبين نهاية في حلمنا 

ملحقش يكون ليها طريق

وقبل البداية بتنتهي

ابعد يا ابني حرام عليك

ده انا حبي "بحر"

إن "عشت" فيه هتعيش "غريق"

2 ديسمبر 2013

عشان يموت

الفرح مش قريب

بس برده مش بعيد

رغم أصل إن انت طيب

مش عارف تعيش سعيد

عادي جداً تبقي "جِد"

في المشاعر والظروف

رغم أصل إن أنت "طفل"

والشيخوخة جات من الخوف

أبجدية الحياة

ضيعتله كتير حروف

زي مثلا كلمة "لعبة"

عارف إن فيها فرح

وإنها كتير بتيجي في علبة

بس هو اللي في حياتي

مكنش يعرف غير صندوق

مكتوب عليه إنه "طفل"

عشان حياته عشان "يمـــــوت"

يعني انتي اية؟

يعني إنتي ليه وسط دموع الحزن ديا بتضحكي

وده يعني إيه مافيش إحساس ولا حبيبتي بتتحملي

دانا كل شارع فيكي دمي عشانه سال

وكل طريق عديت فيه سبت ليكي مرسال

وإن يوم حبيبتي حبيت غيرك 

فده عشان اتحملك

إنتي مدرسة في التعارض

صعب عليا اتعلمك

المعاكسة

في ال talk shows بيقولوا

العالم ده بيتطور

والناس بتساير العصر

وال triangle بقي مدور

عندهم حق جداً 

وأنا شايفة ده بصراحة

بقي صوتنا يعلي عنداً

وبنرد بأباحة

وسواء البنت ماشية

بmini أو حتي tall

شكل المعاكسة بقت

مع الشباب قانون

شايفين إن البنت

غلط في كل شيء

إذا كانت ماشية بتتكلم

أو ساكتة طول الطريق

بيعريها في خياله 

ويحللها لهواه

وإن يوم في حد عابه

بيعيب هو الحياة

بيرمي التعليقات

ببرود وبدون حظر

علي لبسي وعلي شعري وطرحتي

حتي برده العيون وكسوفي في بسمتي

والمطلوب مني إني أسكت

وأمد فوق الخطوتين

اوابقي مجروحةجداً

واحس بعجز من كلمتين

أنا مش عشان بنت أبقي مسجونة في براح

ولا هزيد وأضيع عمر علي اللي راح

مش كل مامشي والاقي شاب أحس بالخطر

حتي لو لابسة كات وبكل المختصر

العيب مش عليا ولا عيب علي القدر

أصل زي مافي بجاحة

في "غض البصر"

bloody eyes

a dog

girl with glasses

ايروكا

حلم مش حقيقة

وببعد برده مش قادر

جراحي تزيد مع الايام

بوقنع نفسي وبعافر

وبهرب من دنيتي في منام

وبرده ألقاكي جوا الحلم

هنا جنبي...بتحكيلي

بإن البعد خلاكي ..تحنيلي

وإن البعد أثبتلك

بإني حبيب مانيش ساهل

وصعب تضيعيه بساهل

فبضحكلك..واسكت فجاة وأقولك

بإنك في الفراق سبتي

دفاتر حزني علي الوادي

وبعد ده الفراق جيتي

خلاص هنساها يا حياتي

أنا حلمي تكوني ليا 

واكون ليكي

وتعدي بيا أيامي

وانا دايب في عنيكي

وفجأة ألاقي نفسي صحيت...

رغم إني جوا الحلم..حلمت إنه يبقي حقيقة

بس الواقع كان ليا كابوس..خطفك مني في كل دقيقة

9/9/2013

يا عين

يا عين ما بتعرف نوم

حتي وهي غفلانة

يا روح ما فيها تكون

غير بالجرح سكرانة

ليش سافر هالحبيب

تاركني في ليلي سهرانة

ولساتي عم فكر فيه

وعيني بدمعي دفيانة

ليش تارك ليا جواب

ضايعة جواته لحروف

لا ظاهر إنه عتاب

لا فرح ولا كانله خوف

تارك لي صفحة بيضاء

وكانه هالمرسال

مابينقري بالعيون

عم ينقري بالاحساس

لكنه هالاحساس ضاع

وصرت أنا مكفوف

31/8/2013

إنتي اكتر حتي "منّي"

لسة شايفة نفسك شيء افتراضي

لسة شايفة إن غيابك عندي عادي

رغم إني بس بيكي بنسي الهموم

إنتي  أكتر حتي منِّي 

من الزمان

ومن الحروف

إنتي  نسمة من النسيم

اللي يدّي للقلب روح

إنتي أكتر حتي منِّي 

من الزمان 

ومن الحروف

إنتي  نسمة من النسيم

اللي يدّي للقلب روح

إنتي   أكتر شيء جميل

شيء خيالي كان مستحيل

إني أشوفه يوم حقيقة

صورة واضحة بأحلي صوت

صورة واضحة بأحلي صوت

31/8/2013

يا روح الروح

يا روح الروح بعيد عني

ده سبت جروح قصاد مني

دواها "بس" إني بحُبك

بنساها قبل ما"تتحس"

31/8/2013

رغم العيون

رغم العيون الطيبة

مبقيتش شايفة في "الفراق"

غير سكة طويلة للقا

مقفولة بمليون الف "باب"

عن حبي لنفسي

عن حبي ل"نفسي" الدايم

رغم كل الاختلاف 

عن  حقيقتي الجميلة

وعن "ضميري" لما أخاف

كل حاجة "وحشة" فيا

بتبقي فترة وتمشي تاني

إلا كل حاجة  "حلوة"

هي دي اللي محبباني

فيكي ياللي إسمك "أنا"

إني عاشق لهواكي

يجي من كام سنة

وده مني ليكي اعتراف

رغم إني كتير بكون

قاسي جداً في الظنون

لكن ده من حبي فيكي

ده عليكي انا بخاف

رغم كل الاختلاف

31/8/2013

كل الحكاية 2

كل الحكاية إني "لقتني"

تعبت "جداً" من السكات

قمت حكيت

وقبل ما يخلص "الكلام"

عنيا كمان اتكلمت

ومن وجعها إتألمت

ففجأة لقيت "نفسي" بكيت

كل الحكاية 1

كل الحكاية

يا حبيبي إن "الفراق"

بقي طعمه "أحلي" من انتظارك

بقي عندي "أهون" من "الاشتياق"

لية قسيت؟!

لما "إنت" قلب عاشق

ليه قسي "اوي" عليا

قلت "هبعد"

قلت "ماشي"

رجعت ليه تجرح فيا

وعادي جدا مانا اتعودت

إن كلامك "كدب" في "كدب"

ضاع مكانك

كتير "أنا" كنت بسكت

وأقنع نفسي "إنك" بريء

رغم قلة اهتمامك

رغم "إني" كتير عانيت

وسبت ناس كتير عشانك

وبعد حسن ظني فيك

خلاص في قلبي "ضاع" مكانك

فجأة ضعت

أنا أصل كل ضحكة

ضحكتها من "قلبك" يوم

أنا كنت كل نغمة

قلتها مع "الحروف"

لكن فجأة انكسرت

سبتني ..وفجأة "ضعت"

مش حبيبي

وعادي بكرة إني الاقي

أنك أصلا "مش "معايا

إنت أبداً مش حبيبي

إنت اصلاً حد "تاني"

friends

لعله خير.2

وصلتك بر الامان

وسبتني في أول طريق

عرفتك معني الحنان

وقلتني في القسوة غريق

مش هبكي..

أنا حسن ظني يميزني

عنك كتير

مش هزعل..

ده ربك لما بيحب عبده

بيبتليه

كل الحكاية ان زعلي عليك كبير

وبالنسبة ليا هحمد ربي

ولعله خير

I'm Fine ..I'm Ok