وببعد عن دموعكم عيني
كأني عامية ماشفتهاش
لكني جوا القلب ليكم
حب عمره مانتهاش
9/5/2013
اللهم آتنا في الدنيا حسنة وفي الاخرة حسنة وقنا عذاب النار
I'M not an angel
الخميس، 30 مايو 2013
الاثنين، 13 مايو 2013
همسات
همسات
همسات الهواء بين السماء
والأرض
والعشق بني مسكنه بالطول
والعرض
وأعاد ترميم رفات القلب
فتغدو الروح صباحاً في ساحة
العرض
وتسكن النفس حزينة
لذهاب الشمس الي الغرب
فتغدو الرياح بنحيبها لتُعيد
الذكري
ويغدو النسيم بهمساته يقود
للدرب
ثارت عناصر الطبيعة لحبٍ لم أحظ
به
وثارت النفس للمنال ولم
تنل
فعم الهدوء الثائر في
قلبي
وزاد الكرب
13/5/2013
11:00am
الاثنين، 6 مايو 2013
في وش الموج
أنا اللي وقفت في وش الموج
لحد ما قلت استكفيت
وفي الآخر تيجي تلومني
بجد تعبت انا ومليت
يا إما تحس بأشواقي
يا إما في جرحي أنا تسيبني
دانا ولا يوم معاك عشته
حسستني إن أنا إتحبيت
30/4/2013
لقانا في الجنة
يا قاسية وماليكي الطيبة
وفي قلبك بحر حنين
بلاش تكون منك عيبة
دأنا بحبك في الحالتين
يا أكتر حد حبيته
يا وصفك فوق مابتمني
ولو ماعشتش معاكي يومين
بكرة ألاقي في الجنة
30/4/2013
السبت، 4 مايو 2013
كان لازم
كان لازم نبعد مش اكتر
في وجودنا الجرح ده بيكبر
كان حتماً ووجوب البعد
كان لازم نبعد ونسلم
حتي لو الجرح معلم
كان لازم ولا يوم نتكلم
بالوقت هيحلو المر
كان لازم نبعد من الاول
قبل ما تتزايد أشواقنا
قبل ما صداقتنا تتحول
للحب ويمر العمر
كان لازم نعمل كام حاجة
ولا قدرنا علي حاجة
وفي الاخر خسرنا حاجة
كانت لينا أجمل عمر
كان لازم نبعد مش أكتر
كان حتماً ووجوب البعد
كان لازم نفكر
الجمعة، 3 مايو 2013
أنا الإنسان
أنا المكروه وأنا المحبوب
في وسط الناس
وأنا الحابب لفعل الخير
وأنا اللي الحب ليا أساس
وأنا الظالم ساعات وساعات
وماليش حظ من الاحساس
أنا الضايع في وسط النور
وفي الضلمة انا شايف
أنا العارف مشاعر الخوف
وبرده أنا اللي مش خايف
أنا المجنون في وسط العقل
ومع المجانين أنا العاقل
أنا الراسم علي الماية
وانا اللي عملت من الامل الوان
أنا عازف الالحان
وشايف الدنيا بعنيا
أنا الاصل في اللاأصل
أنا البطل في القصة
وأنا الجاني في آخر الفصل
أنا الناسي لحزن الأمس
وفاكر مغزي الموضوع
أنا طول عمري العاشق
لكني مكنتش المعشوق
أنا الباطن
وانا الظاهر
أنا الموجوع
ومش واجع
انا القادر بإني أعيش
لكني برده مش عايش
أنا الانسان
الاشتراك في:
الرسائل (Atom)