ليه وألف ليه كمان
واللي بيحصل ده مش جنان
أطفال الحاضر والمستقبل
بقوا ماضي وفعل كان
قلوب جبانة مافيهاش امان
لا بقوة خالق ولا ثقة انسان
سلاحها الترويع والارهاب
ونشر الرعب والحرمان
أم تفقد إبن ليها
تفقد فرحة ما بين إيديها
حلم بكرة
ولألف بكرة
كان بتنسج احلام كمان
أب يلاقي نفسه عويل
بسبب سلاح غدر أليم
لا لإبنه قادر يحمي
ولا لزوجته بقي نصير
في الحقيقة بقي مشلول
برصاصة غدر لإنسان مجنون
بكره أبنه ياخد حقه
بكره نسمع الأذان
طفل يبكي يحضن أخوه
متخفش هبقي أمك وأبوك
واللي قتلوا أهلنا بإيديهم
بكرة بإيدينا هيدوقوا الجوع
بكرة تلاقيهم بيقدروك
جوع للضحكة..جوع للنور
جوع لسلاح الظلم والزور
بكرة يإيدينا هناخد أرضنا
بكرة بلدنا تشوف النور
ولكل ضعيف رب رحيم
وبكرة يبقي إنسان منصور
إنسان منصور
ليست هناك تعليقات:
إرسال تعليق