وفي وسط تفكيري كلمني وقال مخنوق
فمسك في قلبي شبح الخوف
وذاد دقاته مية دقة
سألته بسرعة"إيه مالك"
لقيته رد قال "لأ"
مافيش موضوع
سكت ودمعي في عينيا
وقلبي كمان علي إيديا
كأن صمته كان سكين
زاده الحزن وجرّح فيا
وبعديها بكام ثانية
سأل عني وعلي أحوالي
وإيه الجديد في أيامي
جاوبت بسرعة وقالت تمام
وعال العال
وانا جوايا بحر حزين
وكام لحن علي كام موال
لقيته دعالي دعوتين
الأولي:
ياريت في حياتك الناجحة
أشوفك محققة أملك
والتانية:
تلبسي الطرحة عقبال فرحتك
بيوم فرحك
هنا الدمع مسك فيا وقال يا خناق
وسابني ونزل علي الخدين كأنه عناق
حبيبي فرحتي بعدك
إني مكنش لغيرك يوم
كفاية أعيش بحبي انا ليك
حتي وإن ما كنت معاك
ليست هناك تعليقات:
إرسال تعليق