أوقات كتير بحلم أكون
معاك في بيت علي قدنا
نبقي سوا وكله يهون
نبقي سوا طول عمرنا
صباحنا في البيت البسمة
ومسانا شمعة حبنا
تيجي من شغلك تلاقيني
بالبسمة مستنياك
تيجي وبسرعة وتحكيلي
علي كل اللي بيجرا معاك
أوقات تلاقيني بقي بغني
في وسط المطبخ بصوت عالي
تيجي علي الباب ودندنلي
وبعدين تضحك علي موالي
آجي أنا هنا بقي وأدلع
وأعمل نفسي إن أنا مقموصة
أسيب الاكل واقولك واولع
واشوفك بقي وسط الحوسة
تيجي تقولي حبيبتي تعالي
ضحكتي دي مش استهزاء
لكن بفرح لما الاقيكي
بريئة دايما زي ملاك
اقوله خلاص برا المطبخ
سبني ادندن واعزف ناي
يقولي تمام علقي علي الماية
لاني عايز اشرب شاي
والفرحة تدوم ما بينا سنين
والحزن كبيره ما بينا سنة
وحياتنا تمام فل وياسمين
في عالم عبارة عن أنت وأنا
ويجي اليوم مكنش معاك أنا لوحدي
في حد تاني يكون بينا
يزيد الحب اللي مابنا
تحافظ انت علي وعدك
وأحافظ أنا علي وعدي
في بداي عمره يعلمنا
ازاي الحب يكون بالهمس
يكون لينا الماضي والحاضر
يكون لينا اليوم والامس
ولما ازعل منك وادايق
هيبقي هولينا اساس
اننا نرجع قوام نتصالح
من غير دوشة ووجع الراس
كل ده جوه الحلم انا بلاقيه
وبعيش فيه
وكفاية عليا ده الاحساس
هذا هو منتهى الحكمة والعقل
ردحذفكده الامور تمشى عال العال
ومتى ينقلب الحلم الى حقيقة
ممكن قوى كارينع
الفاروق
أشرقت المدونة مجدداً بمرورك المستمر
ردحذفواشكرك جدا لتعليقك