آه
إن كنت يوم عويــــــل
فبقيت عويل بيكـــــــم
طول عمري كنت فقير
والفقر زاد بيكمـــــــــــ
أنا اللي كنت بـــــــــدي
وطول عمري بحر فياض
دلوقتي يادوب علي قدي
ومش لاقي أكل حياط
دار الزمن بيــــــــــا
أو أنتم دورتــــــــــوه
جا عليكم وعليـــــــــا
والخير ضاع وخدوه
سلبوا مني البسمة
وحضن دافي حنون
مريت بمليون أزمة
وبقيت أرض بور
كنت منبع احلي كلام
للناس يسمعـــــــوه
كنت أنا مصدر غرام
وقلبي أنا عشقوه
وبقيت كل دي احلام
لما كرهتــــــــــــــوه
كرهتوا قول الحق
واللي ساد بقي باطل
مبقاش في قولة لآ
علي أي شيء عاطل
وبقينا بنقول آه
ومش عارفين مالنا
الآه دي يعني نعم
ولا لاوجعانا
ليست هناك تعليقات:
إرسال تعليق