ضعف ده مني ولا
صح كل ده وتمــــام
ألاقي قسوة ظلم هلا
وأدخل انا واعرف انام
أشوف اللي بيستنجد يقول
إلحقوني يا ناس هموت
قصاد مني وفضلت واقفة
وفي مكاني مقلتش كلام
شفت ناس كتير هناك
واقفة كمان من غير كلام
بتتفرج وكأنه فيلم
وانا حاسة اني في احلام
وكل اللي طلع من بيته يتفرج
خاف علي نفسه
خاف يقرب
ودخل يكمل المنام
كل اللي عملته أنا كان ضعيف
بكيت بكا وبصوت خفيف
بكائي كان كأنه نار
وكل النور اصبح ظلام
أختي جات خدتني جوه
بتقولي ليه ده فين القوة
يمكن هي مفهمتش اللي حصل
ويمكن أنا ذيها كمان
بس اللي لقلبي وصل
خلاني بجد ماعرفش انام
يمكن اللي حصل كان شيء بسيط
يمكن مشاعري خدعتني باسلوب غريب
يمكن انا اللي ظنيته شيء خطير
بفكر جوه عقلي وقلبي
لو كان اللي اعتقدته مصير
لو كان اللي اعتقدته صحيح
وقدامي شفت انسان غريق
غريق ولوحده في الطريق
كنت هقدر وأمد إيدي؟
ولا هسكت من غير كلام
يا تري كنت هعرف انام؟؟!!
ليست هناك تعليقات:
إرسال تعليق