I'M not an angel

الأربعاء، 16 سبتمبر 2015

احتياج



Kareenaa Kapoor
بس لو سبت بإرادتي
ابقي في الأساس عبيط
كل واحد له ظروف
كل واحد عنده خوف
كل واحد له نهاية
وسط تشكيل الحروف
والنصيب إني ماسبشي 
حتي لو اتجرحتلي إيد
كل كائن أصله "كان"
نفسه يتحول"يكون"
ولو كل اللي اتساب يسيب
صعب يفرح يوم حبيب
يبقي مين المستفيد؟!


SaFy Essa
إنت خوفك في المغادرة
و كل خوفي بعد منك
إني أجرحلك إيديك
الموضوع محتاج مسايرة
لـ غيبتي و لـ حضن فـ عينيك !
القرار ده ياما خدته
كل لحظة و إنت جنبي
القرار ده كان بدايته
إنه في النهاية أغني
و أنزل بالستارة فجأة
و أقص منها شاش إيديك 
إنت بالنسبالي حلم
و النهاية زي فيلم
من غير آي حس فني !
---------------------

Kareenaa Kapoor
كل أفلام المُغامرة
عشتها في القرب منك
حتي لو بغيب عليك
راح أقولك إني جاية
وإيدي ممدودة لإيديك
القرار زيك أخدته
بعده قلت "ازاي وليه"
واالإجابة في حضن بيت
لما غنيت القصيدة
كل دمعة من عنيك 
كات بتحلف بالحقيقة
كنت بالنسبالك حلم؟
وإنت كنت أقوي علم
ضمن علوم الحياة
إنت زائد قلبي جمبك
وانا جوا عيون هواك
كات أهم معادلة كاملة
ضمن معادلات النجاة
كماله مضمون في جمعه
طرحه كان مضمون في "آه"

SaFy Essa
واصفة إزاي الحلم جنبك 
و إنتي شادة واقعي تحت
إتمسحت ..
من خيالك و ظنونك
مش عشانك كان عشاني
لما قولت أنا إنجرحت
قلبي قاسي ؟ و إنتي حلم ؟
صبي كاس الموت بسلم
و إرجعي قولي الحقيقة
إنك حابة يوم قصادي
و كارهة سنين عدت بعيدة
و غروبي ؟
طب شروقك ؟
طب صوتك وقت خوفك ؟
و كمان مصرة تدي واحد
عدي عادي فوق ترابك
هو فوق و إنتي تحت
مين بيفكر إيه مرادك
ردي كان "آه" صرخت
و لما ثبت عينيكي عليا
قوام بقيت مسحور سرحت ..

ليست هناك تعليقات:

إرسال تعليق