I'M not an angel

الأربعاء، 16 سبتمبر 2015

خسوف



يبدو اني مش بحرّم 
رغم كل الذكريات
فيا حاجة عاشقة حاجة
 جوا منك من سكات
فيك حقيقة شيء غريب
جوا مني معرفوش
بيك بشوف الكون جميل
رغم اني مش بشوف
شايفة صورتك جوا قلبي
سامعة إسمك بالساعات
عني لو حزنك تخبي 
هبقي حاجة من الحاجات
اللي لو تعيش تموت
خبي سرك جوا مني
تلقي سرك في آمان
 جوا نعش من النعوش
قولي مرة حلمت إني
القي منك الحنان
قولي:"ياما حكتله عنك"
_هو مين؟!
"قلبي"
_من امتي؟!
"زمان"
تلقي قلبي بيك يطير
والشتا اتحول ربيع 
او ربيع شبه الشتا
كل نار الصمت فيا
تبقي فرحة متكتكة
قولي ولو هفرح ثواني
بس متقلهاش مجاملة
رغم إني في الحقيقة
مش هغير المعاملة
حتي لو قمري الحزين
جيه حصله في يوم خسوف
حتي لو وشي بشوش
لسة برضو مش بشوف

ليست هناك تعليقات:

إرسال تعليق